Монгол улс нь ноолууран бүтээгдэхүүн үйлдвэрлэлээрээ дэлхийд хоёрдугаарт ордог. 

Ямааны ноолуур нь зөөлөн, дулаан, тансаг чанараараа бусад аль ч ширхэгтээс илүү боловч, монгол ямааны ноолуур нь чанарын хувьд хамгийн сайн байдаг нь манай орны эрс тэс уур амьсгалтай шууд холбоотой.

BODIOS брэндийн үүсгэн байгуулагч Ж.Өлзийбодьжав нь Баянхонгор аймгийн уугуул бөгөөд, 1991 оноос хойш ноос ноолуурын салбарт “чанартай бүтээгдэхүүний гол нууц нь чанартай түүхий эд” гэсэн тууштай үзэл баримтлалаар бизнесээ явуулж, өдгөө 20 гаруй жилийг энэ салбарт зориулаад байна. Малчны хотхоноос, эцсийн бүтээгдэхүүн болж гарах хүртэл бүх процесс, үйлдвэрлэлийн шат дамжлага бүрт хариуцлагатай, хандаж зөвхөн хамгийн сайн чанарыг эрхэмлэдэг нь BODIOS брэндийн бусдаас ялгарах гол онцлог болдог.

BODIOS брэнд олон жилийн судалгаа шинжилгээний үр дүнд сарлагийн хөөврийг боловсруулах тусгай аргыг гаргаж авсанаар өнөөдөр нарийн ширхэгтэй зөөлөн тансаг утсыг гарган авч хэрэглэгчидийн таашаалд нийцсэн эцсийн бүтээгдэхүүнүүдийг гаргаж байна.

Сарлагийн хөөвөр нь хүрэн, бор, саарал зэрэг үндсэн гурван өнгөтэй байдаг бөгөөд будаж өнгөд оруулалгүй байгалийн өнгөөр нь утсаа ээрдэг тул хүний биед ямар нэгэн харшил өгдөггүй.

Амьсгалдаг, дулаанаа барьдаг, цайралт бага, хөнгөн, арчилгаа бага шаардагддаг зэрэг шинж чанараараа сарлагийн хөөвөр бусад ноос ноолууран ширхэгтээс ялгардаг бөгөөд дулааны хувьд хонины ноосноос 40%, ямааны ноолуураас 17% илүү болохыг эрдэмтэд батлаад байна. Энэ нь өндөр уулын хяраар бэлчиж, тэсгим хүйтнийг ажралгүй даах чадвартай сарлаг хэмээх амьтны байгалийн зохилдлогоотой нягт холбоотой байдаг.

Тором нь уналга эдэлгээнд ороогүй байдаг тул, ноос нь урт, уян зөөлөн байхын сацуу ноолуурын агууламж өндөр байдаг.

Тиймээс ВODIOS брэнд зөвхөн торомны ноосыг сонгон авч сайтар боловсруулан, ер бусын зөөлөн, хөнгөн, мөн дулаан торомны ноосон бүтээгдэхүүнийг хэрэглэгчиддээ өргөн барьдаг.